Día #29

Bo Día!!

Lograstedes pasar a tela de araña sen rompela?!

Imos logo co reto de hoxe!

Penso que todo o mundo ten un xogo na casa que se chama UNO, verdade? de non ser así non vos preocupedes porque vos vou compartir en imaxes o xogo para que poidades imprimilo ou debuxalo ao voso gusto!
O reto que propoño é unha partida de UNO pero metendo unhas novas normas...😇

Nas imaxes vai todo o que tendes que saber para pasar unha tarde entretida en soidade ou en compañía, como prefirades! Fe de erratas (acabo de darme conta de que na imaxe das normas hai dúas erratas, di amarrillo en lugar de amarillo e tamén pon que o tempo de xogo será de 5,8 ou 1 minutos, pero ese 1 é un 10! 🙏🙏)
E xa sabedes, estou no meu email para calquera cousa que precisedes!

ajcostas@edu.xunta.es

Apertas virtuais!

Día #28

Bo Día!!

Que tal as saídas?! Estades respetando as normas? Lembrade que é responsabilidade de todos conseguir vencer a este virus!!

Para hoxe propoño algo complicado 😈

Xoguemos á ARAÑA!

Colocaremos ao longo do corredor da casa unha serie de tiras de papel hixiénico e trataremos de pasar sen romper ningunha!
Sabedes que coma todos os retos que propoño a dificultade sempre se pode modificar, iso queda á vosa elección! 😜

Lembrade que para compartir as vosas fazañas so tedes que enviar un correo coa foto ou vídeo a:
ajcostas@edu.xunta.es

Día #27

Bo Día!!!

Antes de comezar co reto gustaríame aclarar un par de cousas.

O post de anécdotas non se está a actualizar por problemas técnicos (agora mesmo xa non sei se da páxina ou do meu pc) ante isto o que farei será abrir outro e anclalo debaixo do primeiro, así todos poderedes continuar desfrutando vendo aos compañeiros realizar os retos!

Dito isto, a proposta de hoxe (ía ser a de onte, pero xa tiñamos apalabrado o das olimpiadas 😉) é que saiades á rúa co voso xoguete favorito!! O reto será respectar as normas das saídas que vos lembran dende o departamento de orientación do cole e que repasaremos neste vídeo que vos poño a continuación!

Aqueles que queiran compartir a súa saída, xa saben a donde enviar a foto ou vídeo!

ajcostas@edu.xunta.es

Apertas a todos!!!

Día #26

Bo día!!!

O prometido é débeda!

Aquí tedes os vídeos que me fóstedes mandando para que adiviñedes o deporte olímpico que se representa!

Deberedes deixar en comentarios que deporte crees que é cada un poñendo o número do vídeo e ao lado o nome do deporte: exemplo 1-floorball. Non esquezades identificarvos, lembrade que non son adiviño aínda!

Comezamos!

1-

2-

3-

4-

5-

6-

7-

8-

9-

10-

11-

Ánimo!!

Sabedes que me atopo no meu email para calquera cousa que precisedes!! apertas!!

ajcostas@edu.xunta.es

Día #25

Bo Día!!

Sinto a tardanza, pero xa estou aquí de novo cun novo reto!!!

 Espero que o pasásedes de rechupete onte coas mariquitillas (teño constancia de que algúns si!)

Hoxe imos facer un desafio Fortnite!!!

É moi simple, volvendo a retomar a expresión corporal e a danza, debemos imitar o  mellor posible 3 coreografías do xogo de moda! Déixovos algúns exemplos por aquí!

Xa sabedes, agardo velas no meu correo!!! ajcostas@edu.xunta.es